03 Maret 2009

Resep Ketupat Kandangan

Nyamannya kalo makan katupat kandangan, sudah kaganangan rasanya. dulu waktu nini bejualan katupat kandangan, handak tiap hari memakannya kada bosan-bosan, soalnya rasa katupat olahan nini beda dengan hampir semua katupat kandangan yang pernah dicoba, bujur-bujur spesial. rasa bumbunya pas dan manis kuahnya asli dari manis santan tanpa tambahan gula. belum lagi rasa sambalnya yang hot..hot..hot! (he..namanya jua sambal). Ujar sidin, dulunya sidin dilajari urang banua nang ahli maulahnya. Nah, ininya resep"Ketupat Kandangan" Masakan khas urang banua, daerah Kandangan Kalimantan Selatan







Baras Untuk Katupat pakai beras siam unus/mutiara/karang dukuh sekitar 3 kg (jangan pakai beras jawa lah, kna lembek hasilnya), biasanya jadinya kurang lebih 50 bj ukuran sedang, kalo ketupatnya halus-halus kaya yang dijual di parincahan, itu hasil katupatnya bisa bekali-kali lipat. Memasak ketupatnya, banyu digurakakan lalu masukan katupat secukupnya, biarkan 2-3 gurakan, diangkat. kalo kelawasan bisa telalu pulen, ngalih dihancur, kada nyaman dimakan pakai tangan.

Iwaknya : Haruan kalo ada yang ganal 3 ekor, masing-masing sekitar 1 kilo, dibersihkan bujur-bujur, kalo kurang bersih kuahnya bisa bau ganyir. setelah dibersihkan, lalu dipotong-potong di aduk dengan bumbunya janar setelunjuk dan asam seibu kuku, uyah secukupnya. diamkan beberapa waktu dan di panggang diatas bara api, baiknya bara tempurung nyiur. bisa jua ditambah hintalu bejarang suka-suka banyaknya.

Bumbu halus untuk kuah pakai panci 5 kg : * keminting 1/2 ons, * jahe 25 gram, * kencur 1 jari, * bawang habang 1,5-2,5 ons, * bawang putih kurang dari 1 ons, * serai 10 bilah sedang, * laos 1/2 ons, * lombok karing <>

Untuk kuahnya : Nyiur 2,5 kg diaduk dengan hintalu 1 - 2 bj, lalu di ambil santannya. Masak santan sampai handak menggurak, masukkan bumbu, iwak bepanggang, hintalu bejarang, tambahi uyah secukupnya. Jaga jangan sampai santannya pecah, hati-hati meaduknya. biarkan 2 - 3 kali gurakan, lalu angkat. santan kentalnya baiknya dipisahkan, lalu semua ditaburi bawang goreng.

Sambalnya : *lombok rawit, * uyah, *limau kuit/binjai, *santan kental dari kuah. jangan digoreng atau ditambah ini itu, sambal katupat kandangan yang khas bisa rusak rasanya

Nah, untuk menyajikannya, belah ketupat dipiring, masukkan iwak/hintalunya, kuah, santan kental, bawang goreng. makan hangat-hangat dengan sambalnya. wah...nyaman banar, apalagi kalo bekacak dengan tangan. bujur-bujur kandangan cing ai.

ini tadi resep gasan bejualan :) kalo handak beolah gasan makan seorangan, semua bahannya dikurangi seoranganlah.. ok, selamat mencoba resep spesial kami. kalo sudah mencoba, kabar-kabari hasilnyalah..

16 komentar:

  1. waaahh. saya cuma berbakat jadi penikmat, bukan pembuat. katupat kandangan memang nikmat.

    BalasHapus
  2. Makasih byk pakacil ai sdh mempostingkn resep lawan penjelasannya mengenai Katupat Kandangan, lewat blog ini pian sudah melestarikn kuliner khas Kota Kandangan,krn katupat kandangan ini tamasuk salah satu masakan banjar yg lain dari yang lain,krn memang khas bnr rasanya.
    Dasar bujur2 Kandangan Cingai.........

    BalasHapus
  3. siiip....tapi nglihnya ae mencari lombok karing di sini..!!!!

    BalasHapus
  4. tarima kasih banar pakacil resep pian ni,salawas ini banyak pang dapat resep katupat kandangan,pas dicuba maulah, hingga jadi lontong.nah nang sakali ini antap,pas banar.

    http://herrolim.googlepages.com/bunda-hore.gif

    BalasHapus
  5. sempurna, nangini kandangan asli lak-ai. napa bajurut resep katupat kandangan tagal modifikasian tarus, jadinya kada asli. Kami handak badagang katupat kandangan di bandung dan cari resepnya tapi palsu tarus. terimakasih julak rierie-lah

    BalasHapus
  6. Ini baru resep nang jujur

    BalasHapus
  7. nah ,nyar tahu ulun lamun santan to di campuri hintalo supaya tambah kantal ehheh makasih lak ae nah hehhe

    http://elkiram.co.id

    BalasHapus
  8. Ulun cuba me ulah hari raya ini julak ae
    Makas;h resepnya julak ae
    Minta rela ulun julak lah

    BalasHapus
  9. Sukses membuatnya. Mksh bnyak resepnya

    BalasHapus
  10. hmm..hndak mncoba resepnya nah..lawas kda suah mkan mskan bnjar suami ulun..mntap d jawa pank..mksih cil ae

    BalasHapus
  11. Alhamdulillah dpt resep ny..insya ALLAH hdk mcoba..makasih dingsanak lh resepny..

    BalasHapus
  12. cil bumbu sambal katupatnya to dimasaki kah dlu wan minyak atau langsung dibuat k'kuah santan kh....

    BalasHapus
  13. Cil bumbu halus nya di goreng kh dlu?

    BalasHapus
  14. Makasih banyak resepx

    BalasHapus
  15. Gasan bumbu, digoreng dg sedikiiitt minyak. Bebaya ja spy bumbu harum dan kna kd berasa minyaknya di kuah.
    Maaf lun lawas dah kdbs masuk blog ini jd kdkw membalasi. Hyr telihati jua.

    BalasHapus